Испанийн алдарт “Marca” сонин 2018 оны шилдэг хөлбөмбөгчнөөр Мессиг тодруулжээ. Ингэснээр Месси хоёр дахь жилдээ “Marca” сониноос шалгаруулсан шилдэг хөлбөмбөгчөөр тодорч байгаа юм.
2018 онд Месси гурван цом хүртсэн. Тодруулбал, Испанийн Ла лиг, Испанийн цом, Испанийн супер цомд түрүүлсэн юм. Тэрбээр өнгөрсөн онд 51 гоол оруулж, 26 гоолын дамжуулалт өгсөн нь хамгийн шилдэг үзүүлэлт байлаа. Мөн “Алтан шаахай” шагналыг 5 дахь удаагаа авсан билээ.