Испанийн Ла лигийн 18 дугаар тойргийн зарим тоглолтууд өнгөрсөн шөнө боллоо. Энэ тойрогт хүснэгтийг тэргүүлэгч “Барселона” клуб “Хетафе”-гийн талбайд зочилж, 1:2-оор буулгаж авлаа. Ингэснээр 40 оноотой болж, араасаа нэхэж байгаа багаас 5 оноогоор тасарлаа.

Тоглолтын 20 дахь минутад Месси Ла лигийн энэ улирлын 16 дахь гоолоо оруулсан. Түүний араас 39 дэх минутад Суарез 12 дахь гоолоо оруулж, багийнхаа тэргүүллийг баталгаажуулсан юм. Харин эзэн багаас Хайме Мата 43 дахь минутад нэг гоол оруулсан.

Харин “Реал Мадрид” клуб талбайдаа  “Реал Сосьедад”-ыг хүлээж авч, 0:2-оор хожигдлоо. Ингэснээр 30 оноотой хэвээр үлдэж, 5 дугаар байр руу ухарлаа. Тоглолтын 3 дахь минутад Виллиан Жозе торгуулийн цохилтоор гоол оруулж, тооны харьцааг нээсэн. Харин Лукас Васкес 61 дэх минутад улаан хуудас авч, багаа хөөдсөн. Улмаар 83 дахь минутад Пардо нэгийг нэмснээр багтаа ялалт авчирсан юм.

Бусад тоглолтын үр дүн

Эйбар 0-0 Вильярреал

Севилья 1-1 Атлетико Мадрид