Английн “Тоттенхэм” клубын хагас хамгаалагч Кристиан Эриксенийг Испанийн “Реал Мадрид” сонирхож эхэллээ. Мадридын баг 26 настай Дани эрийг ирэх зуны солилцоо наймааны цонхоор авахаар төлөвлөж буй ажээ.
Түүний “Тоттенхэм”-тэй байгуулсан гэрээ 2020 онд дуусна. “Реал” түүнийг сонирхож эхэлсэн нь “Тоттенхэм” гэрээгээ сунгах хэлэлцээрийг хурдлуулах магадлалтай юм. Лондоны баг түүнд багадаа долоо хоногт 250 мянган еврогийн цалин өгөх талаар ярьсан. Эриксен энэ улиралд премьер лигт 18 тоглолтод оролцож, 4 гоол оруулж, 17 гоолын дамжуулалт өгөөд байна.