Францын Лиг-1-ийн 21 дүгээр тойргийн зарим тоглолт өнгөрсөн шөнө боллоо. Хүснэгтийг тэргүүлэгч “ПСЖ” клуб энэ тойрогт талбайдаа “хомоол хамагч” болох “Генгам”-ыг хүлээж авч, 9:0-ээр бутниргэлээ. Ингэснээр 53 оноотой болж, араасаа нэхэж байгаа “Лилль” клубээс 13 оноогоор тасарч байна.
Гэхдээ “ПСЖ” хоёр тойргийн тоглолт дутаа байгаа. Тэр хоёр тоглолтдоо хожвол энэ зөрүү 19 оноо болох юм. Энэ удаагийн тоглолтын 11, 68 дахь минутад Неймар дубль хийж, энэ улирлын Лиг-1-ийн 13 дахь гоолоо оруулсан. Тэгвэл Мбаппе 37, 45, 80 дахь минутад гурвыг оруулж, хет-трик хийснээр 17 гоолтой болж, мэргэн буучийн жагсаалтыг тэргүүлж байна. Харин Кавани 59, 66, 75 дахь минутад хет-трик хийж, 14 гоолтой боллоо. Үлдсэн нэг гоолыг 83 дахь минутад Менье оруулжээ.
Бусад тоглолтын үр дүн
Реймс 1-1 Ницца
Ним 0-1 Тулуза
Монако 1-5 Страсбур