Италийн лигийн цомын ¼ шигшээн сүүлчийн тоглолт өнгөрсөн шөнө боллоо. Энэ шатанд учраа таарсан “Интер” болон “Лацио” клубүүд хоорондоо тулж, ялагчаа торгуулийн цохилтоор тодруулсан юм.
Үндсэн цагт хоёр баг гоолгүй тэнцсэн. Улмаар дахин 30 минут сунгаж тоглоод, 1:1-ээр тэнцсэн юм. Тоглолтын 108 дахь минутад Иммобиле гоолдож, тооны харьцааг нээсэн. Харин 120 дахь минутад Икарди торгуулийн цохилтоос тэнцүүлж, багтаа итгэл найдвар авчирсан. Гэвч торгуулийн цохилт цохиход 3:4-өөр “Лацио” хожиж, шөвгийн дөрөвт шалгарлаа.