Францын “Тулуза” клубын хамгаалагч Жан-Клер Тодибо Испанийн алдарт “Барселона” клубт ирж байгаа ажээ. Энэ жил 19 настай хөлбөмбөгч Каталоны багтай 4.5 жилийн гэрээ байгуулсан байна.
Эхэндээ Тодибо энэ улирлын төгсгөлд Испани руу явахаар байсан. Гэвч хоёр тал өвлийн солилцооны цонхоор шилжүүлэхээр тохирч, ийн аваад байгаа аж. Тодибо 2018 оны арваннэгдүгээр сарын 3-ны өдрөөс хойш тоглоогүй байгаа. Тэрбээр энэ улиралд Францын Лиг-1-т 10 тоглолтод оролцож, нэг гоол оруулаад байсан юм. Тодибо “Барселона”-д 6 дугаартай тоглоно.