Аваргуудын лигийн 1/8 шигшээн эхний тоглолтууд болж байгаа билээ. Өнгөрсөн шөнө Английн “Тоттенхэм” клуб талбайдаа Германы “Боруссия Дортмунд”-ыг хүлээж авч, 3:0-ээр буулгаж авлаа. Ингэснээр шөвгийн наймд шалгарах өндөр магадлалтай боллоо.
Харри Кейн, Деле Алли зэрэг гол тоглогчид нь бэртэлтэй байгаа хэдий ч Лондоны баг талбайдаа илүү гэдгээ баталж харуулсан юм. Тоглолтын 47 дахь минутад Сон Хын Мин гоолдож, тооны харьцааг нээсэн. Араас нь Ян Вертонген 83 дахь минутад нэгийг нэмж, Льоренте 86 дахь минутад гүйцээжээ.
“Тоттенхэм” хариу тоглолтод Германд тэнцэх юм уу, хоёр гоолын зөрүүтэй хожигдоход дараагийн шатанд шалгарах боломж байна.