Аваргуудын лигийн 1/8 шигшээн эхний тоглолтууд болж байгаа билээ. Өнгөрсөн шөнө Испанийн алдарт “Реал Мадрид” клуб Недерландад очиж, “Аякс”-ын талбайд зочлон тоглолоо. Сүүлийн үед тоглолт нь эрс сайжраад байгаа Эзэн хааны баг энэхүү тоглолтод 1:2-оор хожиж, давуу талтайгаар нутаг буцав.
Тоглолтын 60 дахь минутад Бензема гоолдож, тооны харьцааг нээсэн. Харин 75 дахь минутад Зиеш тэнцүүлсэн. Гэвч 87 дахь минутад Асенсио нэгийг нэмснээр багтаа ялалт авчирсан юм. Хариу тоглолтыг “Реал” талбайдаа хийх учраас шөвгийн наймд шалгарах магадлал өндөр билээ.