Нэр хүнд, цар хүрээгээрээ Аваргуудын лигийн дараа орох Европа лигийн 1/8 шигшээн эхний тоглолтууд өнгөрсөн шөнө боллоо. Английг төлөөлж буй хоёр баг өнгөрсөн шөнө айлын талбайд зочлон тоглов.

“Челси” клуб энэ шатанд Шведийн “Мальмо”-тай учраа таарсан. Эхний тоглолтоо талбайд нь хийж, 1:2-оор хожлоо. Ингэснээр шөвгийн наймд шалгарах магадлал өндөр боллоо. Учир нь хариу тоглолтыг ирэх долоо хоногт талбайдаа хийнэ. Энэ удаагийн тоглолтын 30 дахь минутад Баркли гоолдож, тооны харьцааг нээсэн. Араас нь Жиру 58 дахь минутад нэгийг нэмжээ. Эзэн багаас нэр төрийн гоолыг Кристиансен 80 дахь минутад оруулсан юм.

Харин “Арсенал” клуб энэ шатанд “БАТЭ”-тэй учраа таарч, эхний тоглолтоо талбайд хийж, 1:0-ээр хожигдлоо. Тоглолтын хувь заяаг шийдсэн цорын ганц гоолыг 45 дахь минутад Драгун оруулсан. Гэхдээ бүх зүйл дуусчихаагүй байна. “Арсенал” талбайдаа өрсөлдөгчөө нэгээс дээш гоолын зөрүүгээр хожиход л дараагийн шатанд шалгарах боломжтой.