Италийн Сери А лигийн 24 дүгээр тойргийн эхний тоглолт өнгөрсөн шөнө боллоо. Хүснэгтийг тэргүүлэгч "Ювентус" клуб энэ тойрогт талбайдаа "Фрозиноне" багийг хүлээж авч, 3:0-ээр буулгаж авсан юм. Ингэснээр энэ улирлын 21 дэх ялалтаа байгуулж, хожигдоогүй цувралаа үргэлжлүүлэн, 66 оноотой боллоо.
Тоглолтын 6 дахь минутад Дибала гоолдож, тооны харьцааг нээсэн. Харин 17 дахь минутад Бонуччи нэгийг нэмжээ. Тэгвэл гурав дахь гоолыг Роналдо 63 дахь минутад оруулсан байна. Ийнхүү Роналдо Сери А лигт 19 гоолтой болж, мэргэн буучийн жагсаалтыг тэргүүлж байна.