Аваргуудын лигийн 1/8 шигшээн хүрээнд Испанийн алдарт “Барселона” клуб Францын “Лион” багийн талбайд зочилж, гоолгүй тэнцсэн билээ. Тэгвэл энэ тоглолтод Месси гараанд гарснаар Аваргуудын лигийн 130 дахь тоглолтоо хийлээ.
Ингэснээр Аваргуудын лигийн хамгийн олон тоглолтод оролцсон тамирчдын жагсаалтын есдүгээр байрт Пол Скоулзын хамтаар бичигдэж байна. Мөн “Барселона”-гийн хамгаалагч Жерар Пике Аваргуудын лигийн 100 дахь тоглолтоо хийлээ. Тэрбээр “Манчестер Юнайтед”-ын бүрэлдэхүүнд байхдаа дөрвөн тоглолтод оролцож байсан аж.