Английн премьер лигийн 27 дугаар тойргийн эхний хоёр тоглолт өнгөрсөн шөнө боллоо. Энэ тойрогт улирлыг амжилттай үргэлжлүүлж, шилдэг зургаан багийн ард бичигдэж буй "Уотфорд" клуб "Кардифф"-ын талбайд зочилж, 1:5-аар бутниргэлээ. Ингэснээр 40 оноотой болж, зургадугаар байр руу орж ирлээ.
Зочин багаас 18, 61, 63 дахь минутад Деулофеу хет-трик толилуулж, гангарсан. Арааас нь Дини 73, 90 дэх минутад дубль хийжээ. Эзэн багийн нэр төрийн ганц гоолыг 82 дахь минутад Бамба оруулсан байна.
Өнгөрсөн шөнө болсон нөгөө тоглолт нь "Вест Хэм" болон "Фүлхэм"-ийн хооронд болж, эзэн баг 3:1-ээр хожлоо. Ингэснээр "Вест Хэм" 36 оноотой болж, есдүгээр байрт бичигдэж байна. Эзэн багаас Чичарито, Диоп, Антонио нар гоолдсон. Зочин багаас Райн Бабел нэр төрийн ганц гоол оруулсан юм.