France Football-ын гаргасан судалгаагаар Испанийн “Барселона” клубын тоглогч Лионель Месси 2018-2019 оны улиралд хамгийн их орлого олсон хөлбөмбөгч болжээ. Хөлбөмбөгчдийн цалин, урамшуулал, бусад орлогыг нийлүүлж тооцсон үзүүлэлт юм байна. Тэгвэл Месси сард 7 сая еврогийн орлого олдог бөгөөд нийт орлого нь жилдээ 130 сая хүрдэг аж.
Тэгвэл “Ювентус” клубын довтлогч Криштиано Роналдо жилдээ 113 сая еврогийн орлого олжээ. Тэрбээр Италийн багаас жилдээ 10 сая еврогийн цалин авч байгаа юм. Жагсаалтын гуравдугаарт Францын “ПСЖ” клубын хагас хамгаалагч Неймар бичигджээ. Бразил эр жилдээ 91.5 сая еврогийн орлого олж байгаа аж.
Топ тавд “Атлетико”-гийн довтлогч Гризманн 44, “Реал”-ын хагас хамгаалагч Гарет Бейл 40.2 саяын орлогоороо жагссан байна.