Английн премьер лигийн 33 дугаар тойргийн зарим тоглолтууд болж байгаа билээ. Өнгөрсөн шөнө “Манчестер Сити” клуб талбайдаа “Кардифф”-ыг хүлээж авч, 2:0-ээр буулгаж авлаа. Ингэснээр 80 оноотой болж, хүснэгтийн тэргүүн байрт бичигдэж эхлэв.
Тоглолтын 6 дахь минутад Кевин де Брюйне гоолдож, тооны харьцааг нээсэн. Харин 44 дэх минутад Сане нэгийг нэмжээ. “Кардифф”-ын хувьд 28 оноотой хэвээр үлдэж, унах байрнаас ховхорсонгүй.
“Челси” клуб өнгөрсөн шөнө 27 дугаар тойргийн нөхөн тоглолтоо талбайдаа хийж, “Брайтон”-ыг 3:0-ээр хожлоо. Ингэснээр 63 оноотой болж, 5 дугаар байр руу орж ирлээ. Тоглолтын 38 дахь минутад Жиру тооны харьцааг нээсэн бол Азар 60 дахь минутад нэгийг нэмжээ. Улмаар Лофтус-Чик 63 дахь минутад нэгийг нэмсэн байна.