Испанийн Ла лигийн 30 дугаар тойргийн тоглолтууд долоо хоногийн дундуур болж байгаа билээ. Өнгөрсөн шөнө “Реал Мадрид” клуб “Валенсия”-гийн талбайд зочилж, 2:1-ээр хожигдов. Ингэснээр 57 оноотой хэвээр үлдэж, тэргүүлэгч “Барса”-гаас 13, хоёрдугаар байрт бичигдэж буй “Атлетико”-гоос 5 оноогоор хоцорч эхэллээ. 

Тоглолтын 35 дахь минутад Гедеш тооны харьцааг нээсэн бол Гарай 83 дахь минутад тэргүүллээ баталгаажуулжээ. “Реал”-аас 90 дэх минутад Бензема ганц гоол оруулсан нь ердөө л нэр төрийнх байв.