Английн алдарт “Манчестер Юнайтед” өчигдөр Украины “Шахтёр” клубээс Фредийг албан ёсоор шилжүүлж авсан билээ. Албан бус мэдээллээр бол түүний үнэ 60 сая евро юм байна. Ингэснээр “Шахтёр”-ын түүхэн дэх хамгийн үнэтэй наймаа болж буй аж.
Өмнөх рекорд наймаагаа тэд 2016 онд хийсэн. Алекс Тейшейраг Хятадын “Зянсу Сунин” багт 50 сая еврогоор зарсан юм. Фред 2013 онд “Интернасьонал” клубээс “Шахтёр” руу шилжсэн. Өнгөрсөн хугацаанд багийнхаа төлөө 155 тоглолтод оролцож, 15 гоол оруулж, 15 гоолын дамжуулалт өгсөн байна.