Италийн Сери А лигт “Наполи” клуб “Аталанта”-г 2:1-ээр хожсон. Энэ тоглолтод “Наполи”-гийн довтлогч Дрис Мертенс нэг гоол оруулсан юм. Ингэснээр тэрбээр “Наполи”-гийн төлөө 105 дахь гоолоо оруулж, Каванигийн 104 гоол оруулсан амжилтыг давж гарлаа.
Ийнхүү Мертенс “Наполи” клубын бүх цаг үеийн мэргэн буучийн жагсаалтын 4 дүгээр байрт бичигдэж эхэллээ. Энэ жагсаалтыг 121 гоолоор Марек Гамшик тэргүүлж, Марадона 115 гоолтой удаалдаг юм. Харин гуравдугаар байрт Аттила Саллустро 108 гоолтой жагсч байна.