Испанийн Ла лигийн 34 дүгээр тойргийн зарим тоглолтууд өнгөрсөн шөнө боллоо. Хүснэгтийг тэргүүлэгч “Барселона” клуб энэ тойрогт “Алавес”-ын талбайд зочилж, 0:2-оор буулгаж авлаа. Ингэснээр 80 оноотой болж, араасаа нэхэж байгаа “Атлетико”-гоос 12 оноогоор тасарч байна.
Хэрвээ “Атлетико” өнөө шөнө талбайдаа “Валенсия”-д хожигдвол “Барса” шууд түрүүлнэ. Харин хожвол дараагийн тойрогт түрүүлэх эсэх нь шийдэгдэх юм. Энэ удаагийн тоглолтын 54 дэх минутад Карлос Аленья гоолдож, тооны харьцааг нээсэн. Улмаар Суарез 60 дахь минутад торгуулийн цохилтоос Ла лигийн энэ улирлын 21 дэх гоолоо оруулжээ.