Английн премьер лигийн 36 дугаар тойргийн эхний тоглолт өнгөрсөн шөнө боллоо. Энэ тойргийн "Хөшиг"-ийг нээж "Ливерпүүл" клуб талбайдаа доошоо унах нь нэгэнт тодорхой болсон "Хаддерсфилд"-ыг хүлээж авч, 5:0-ээр бутниргэлээ. Ингэснээр 91 оноотой болж, "Сити"-г тоглолтоо хийтэл хүснэгтийг тэргүүлж эхэллээ.

Тоглолтын 1 дэх минутад Кейта гоолдож, тооны харьцааг нээсэн. Улмаар Мане 23, 66 дахь минутад хоёрыг оруулж, премьер лигт 20 гоолтой боллоо. Мөн Салах 45, 83 дахь минутад хоёрыг оруулж, 21 гоолтой болсноор мэргэн буучийн жагсаалтыг тэргүүлж эхэллээ.  Энэ улиралд премьер лигт 20 гоолын босго давсан 20 хөлбөмбөгчин нь Мане, Салах хоёр болов.