Испанийн Ла лигийн 35 дугаар тойргийн зарим тоглолтууд өнгөрсөн шөнө боллоо. Энэ тойрогт хүснэгтийг тэргүүлэгч “Барселона” клуб талбайдаа “Леванте”-г хүлээж авч, 1:0-ээр буулгаж авлаа. Ингэснээр 83 оноотой болж, Ла лигт түрүүлэх болзлоо хангалаа.
Араас нь нэхэж байгаа “Атлетико” энэ тойрогт хожсон ч гэсэн хоёр багийн онооны зөрүү 9 хэвээр үлдсэн. Харин гоолын зөрүүгээр “Барселона” илт илүү учраас түрүүлэх нь тодорхой болж байна. Энэ удаагийн тоглолтын хувь заяаг шийдсэн цорын ганц гоолыг 62 дахь минутад Месси оруулсан юм.
Ингэснээр тэрбээр Ла лигт энэ улиралд 34 гоол оруулж, мэргэн буучийн жагсаалтыг тасархай тэргүүлж байна. Мөн Европын шилдэг таван лигт түүнээс олон гоол оруулсан хөлбөмбөгч нэг ч байхгүй байгаа юм.