Испанийн шигшээ баг хэсгийн хоёр дахь тоглолтоо Ирантай хийж, 1:0-ээр хожсон билээ. Тэгвэл энэхүү тоглолтод Испанийн хамгаалагч Жерар Пике гараанд гарч, оролцсон.
Ингэснээр тэрбээр Испанийн төлөө 100 тоглолтод оролцлоо. Түүнээс өмнө Испанийн шигшээн төлөө 12 тоглогч 100 тоглолт хийгээд байсан юм. Пикегийн хувьд 13 дахь нь боллоо. Испанийн шигшээ багийн төлөө хамгийн их тоглолтод оролцсон амжилтыг Икер Касильяс 167 тоглолтод оролцсоноороо тэргүүлдэг билээ.