Хөлбөмбөгийн дэлхийн аваргын хэсгийн шатны тоглолтууд үргэлжилж байгаа билээ. Эхнээсээ зарим багууд хасагдах шатанд үлдэх эрхээ авчихаад байна. Түүний нэг нь Уругвай.
А хэсгийн хамгийн хүчтэй багаар нэрлэгдэж буй Уругвай хоёр дахь тоглолтоо Саудын Арабын эсрэг хийж, 1:0-ээр хожсон. Энэ тоглолтын хувь заяаг шийдсэн цорын ганц гоолыг Суарез оруулсан билээ.
Ингэснээр тэрбээр гурван дэлхийн аварга шалгаруулах тэмцээнд дараалан гоолдож чадсан гайхалтай амжилтыг үзүүллээ. Мөн Уругвайн хөлбөмбөгчдөөс анх удаагаа ийм амжилтыг үзүүлсэн тамирчин болж байгаа юм. Тэрбээр 2010 онд 3, 2014 онд 2 гоол оруулсан. Энэ жил одоогоор нэг гоол оруулчихаад байна. Цаашлаад хамгийн багадаа хоёр тоглолт хийх ёстой.