А хэсэгт нэр төрийн хожлын төлөө Саудын Араб болон Египетийн шигшээ багууд туллаа. Хэсгээс гарч ч магадгүй гэгдэж байсан Египетийн шигшээ эхний хоёр тоглолтдоо хожигдож, нутаг буцахаар болсон. Харин нэр төрийн хожлын төлөө тоглолтод тэд азгүйтэж, ялалт байгуулж чадсангүй.
Азийн төлөөлөл болсон Саудын Араб нэр төрөө хамгаалж, өрсөлдөгчөө 2:1 буулгаж авснаар нэр төрийн хожилтой нутаг буцахаар боллоо. Уг нь 22 дахь минутад Салах гоолдож, тооны харьцааг нээж, дэлхийн аваргын хоёр дахь гоолоо оруулсан. Хоёр тоглолт, хоёр гоол.
Гэвч 45 дахь минутад Аль-Фараж торгуулийн цохилтоос тэнцүүлсэн бол 90 дэх минутад Аль-Досари гүйцээжээ.