Испанийн Ла лигийн 36 дугаар тойргийн хүрээнд “Барса” болон “Реал Мадрид” клубүүд учраа таарсан билээ. Дэлхийн сая сая үзэгчдийн анхаарлыг татдаг “Эль класико”-д Роналдо нэг гоол нэмэрлэсэн.

Ингэснээр тэрбээр энэ агуу дербид 18 дахь гоолоо оруулж, “Реал”-ын домогт хөлбөмбөгч Альфредо Ди Стефаногийн амжилттай зэрэгцлээ. Тэгвэл “Барса” болон “Реал”-ын дербид хамгийн олон гоолыг Месси оруулсан байдаг. Тэрбээр 25 гоолоор “Реал”-ын хаалгыг мялааж байжээ.