Сүмо бөхийн Харү башё буюу гуравдугаар сарын тэмцээний гурав дахь өдрийн барилдаан өчигдөр боллоо.
Сүмод идэвхтэй барилдаж буй цорын ганц ёкозүна Терүнофүжи Г.Ган-Эрдэнэ өчигдөр маэгаширагийн 1-ээс барилдаж байгаа Уратай барилдаж давлаа. Улмаар хоёр даваа нэг унаатай болсон бол өнөөдрийн түүний өрсөлдөгч нутгийн бөх маэгаширагийн 2-оос барилдах барилдах Ичиножо А.Ичинноровтой барилдана.
Харин комүсүби Хошорюү С.Бямбасүрэн өчигдөр озеки Такакейшотой барилдаж давлаа. Улмаар нэг даваа хоёр унаатай байгаа бол өнөөдөр түүнтэй барилдах бөх нутгийн бөх маэгаширагийн 2-оос барилдах Тамаваши Б.Мөнх-Оргилтой барилдана.
Харү башёд Монголын зургаан бөх барилдана. Үүнд:
- Ёкозүна Терүнофүжи Г.Ган-Эрдэнэ 2-1
- Комүсүби Хошорюү С.Бямбасүрэн 1-2
- Маэгашира 2 Ичиножо А.Ичинноров 2-1
- Маэгашира 2 Тамаваши Б.Мөнх-Оргил 1-2
- Маэгашира 4 Кирибаяама Б.Лхагвасүрэн 2-1
- Маэгашира 8 Чиёошома Г.Мөнхсайхан 2-1