Испанийн алдарт “Барселона” клуб багийнхаа шинэ тоглогч Артуро Видалыг өнөөдөр албан ёсоор танилцуулахаар болжээ. Өчигдөр тус клубын “Камп Ноу” дэлгүүрт 31 настай хагас хамгаалагчийн зураг авалтыг хийсэн байна.
Харин өнөөдөр буюу даваа гарагийн өдөр Испанийн цагаар 12:30-аас түүнтэй гэрээ байгуулах аж. Түүний дараа 13:00 цагаас “Камп Ноу” цэнгэлдэхэд албан ёсоор танилцуулах юм байна. Улмаар 13:35-аас цэнгэлдэхийн талбайд зураг авалт хийх бөгөөд 14:15-д хэвлэлийн хуралтай гэнэ.
Цэнгэлдэхэд хийж буй барилгын ажилтай холбоотойгоор хөгжөөн дэмжигчдийг “Камп Ноу”-д оруулахгүй аж. Харин танилцуулах үйл ажиллагааг шууд дамжуулах юм байна.