Аваргуудын лигийн хэсгийн шатны сугалаа өнгөрсөн шөнө болсон билээ. Тэгвэл Аваргуудын лигт гурав дараалж түрүүлсэн Испанийн алдарт “Реал Мадрид” клуб энэ улиралд хэсэгтээ “Рома”, “ЦСКА”, “Викториа” багуудтай хамт багтсан. Харин “Реал Мадрид”-ын ахлагч Сержио Рамос Аваргуудын лигт дахин түрүүлэхийг хүсч байгаагаа илэрхийлжээ.
Тэрбээр “Аваргуудын лиг бол үргэлж л онцгой тэмцээн байсан. Өнгөрсөн улиралд бид аваргаа хамгаалсан. Яагаад дөрөв дараалан түрүүлж болохгүй гэж. Бид мөрөөдлөө үргэлжлүүлэх ёстой. Өндөр зорилготой байх хэрэгтэй. Би багийнхандаа итгэж байна” хэмээн ярьжээ.