Испанийн алдарт “Барселона” клуб “Уэска” багийг 8:2-оор буулгаж авахад Месси хоёр гоол оруулж, хоёр гоолын дамжуулалт өгсөн билээ. Ингэснээр тэрбээр Испанийн Ла лигт 21 дүгээр зуун гарснаас хойш 150 гоолын дамжуулалт өгсөн анхны хөлбөмбөгч болжээ.
Мөн тэрбээр Европын шилдэг таван лигт дамжуулалт өгсөн тоогоор тэргүүлж байгаа юм. Месси 151 гоолын дамжуулалт өгөөд байгаа бол Сеск Фабрегас /Челси/ 143, Месут Өзил /Арсенал/ 128, Криштиано Роналдо /Ювентус/ 122, Дани Алвес /ПСЖ/ 110 дамжуулалт өгчээ.
Месси Ла лигт Луис Суарезид 23 гоолын дамжуулалт өгсөн бол Педрод 14, Этод 13, Неймарт 12, Давид Вильяд 10 гоолын дамжуулалт өгч байсан юм байна.