Францын шигшээ баг өнгөрсөн шөнө Голландыг талбайдаа 2:1-ээр хожсон билээ. Энэхүү тоглолтын хожлын гоолыг Оливье Жиру оруулсан. Ингэснээр тэрбээр Францын шигшээн төлөө 32 дахь гоолоо оруулж, Зиданы амжилтыг давж гарлаа.
Мөн тэрбээр Францын шигшээн төлөө хамгийн олон гоол оруулсан хөлбөмбөгчдийн дөрөвдүгээрт бичигдэж эхэлсэн юм. Энэ жагсаалтын гуравдугаар байрт Давид Трезеге 34 гоолтой бичигдэж байгаа бол Мишель Платини 41 гоолтойгоор хоёрт жагсч байгаа юм. Харин нэгдүгээр байрт Тьерри Анри 51 гоолтой бичигдэж байна.