Аваргуудын лигийн Н хэсэгт ширүүхэн “тулаан” өрнөх учиртай. Энэ хэсэгт Италийн аварга “Ювентус”, Английн алдарт “Манчестер Юнайтед”, Испанийн шилдэг “Валенсия” багууд багтсан. 

Өнгөрсөн шөнө Италийн аварга “Ювентус” клуб Испанид очиж, “Валенсия”-гийн талбайд зочиллоо. Тоглолтын 29 дэх минутад “Ювентус”-ын дуулиант наймаа Роналдо улаан хуудас авч, талбайг чөлөөлсөн нь жинхэн шуугиан байлаа.  Гэвч гол тоглогчоо алдсан  ч Пьянич 45, 51 дэх минутад хоёрыг оруулж, “Ювентус” хожлоо.

Нөгөө талд Английн “Манчестер Юнайтед” клуб Швейцарийн “Янг Бойз” багийн талбайд зочилж, 0:3-аар буулгаж авлаа. Тоглолтын 35, 44 дэх минутад Погба хоёрыг хийж, Марсьяль 66 дахь минутад гүйцээжээ.