Цагтаа Английн “Манчестер Юнайтед”, “Манчестер Сити” клубт цалгиж явсан, одоо “Бока Хуниорс”-т зүтгэж байгаа Карлос Тевез Аргентины клубтэй байгуулсан гэрээ нь дуусахаар зодог тайлахаа зарлажээ.
Тэрбээр “Би “Бока Хуниорс”-тай байгуулсан гэрээ дуусахаар замналаа өндөрлүүлнэ. Би өөр баг руу явахгүй. Энэ багийн өмсгөлтэй л зодог тайлахыг хүсч байна. Харин зодог тайлсны дараа ямар нэг захирал юм уу, агентын ажил хийхгүй. Эхлээд ийм ажил хийхэд бэлтгэх хэрэгтэй” хэмээн ярьжээ.
Тевезийн “Бока Хуниорс”-тай байгуулсан гэрээ 2019 оны арванхоёрдугаар сарын 31-ний өдөр дуусах юм. Тэгэхээр Тевез ирэх оныг дуусгаад замналаа өндөрлүүлэх нь ээ.