Италийн Сери А лигийн 8 дугаар тойргийн хүрээнд “Интер” клуб “СПАЛ”-тай тулж, 2:1-ээр хожсон. Энэ тоглолтын хоёр гоолыг Мауро Икарди оруулсан. Ингэснээр тэрбээр Италийн лигт 102, 103 дахь гоолоо оруулсан нь энэ юм.
Энэ амжилтаараа тэрбээр Кристиан Вьеритэй зэрэгцэж ирлээ. Мөн Италийн Сери А лигийн бүх цаг үеийн мэргэн буучийн жагсаалтын 9 дүгээр байрт бичигдэж байна. Тэгвэл Италийн лигийн бүх цаг үеийн мэргэн буучийн жагсаалтыг Жузеппе Меацца 198 гоол оруулсан амжилтаараа тэргүүлдэг ажээ.