Италийн Сери А лигийн 9 дүгээр тойргийн хүрээнд “Ювентус” клуб “Женоа”-тай 1:1-ээр тэнцсэн билээ. Тэгвэл Роналдо “Ювентус”-ын нэг гоолыг оруулсан юм. Ингэснээр тэрбээр европын топ-5 лигт 400 гоол оруулсан анхны хөлбөмбөгч боллоо.
Тэрбээр “Манчестер Юнайтед”-ын төлөө премьер лигт 84, “Реал Мадрид”-ын төлөө Ла лигт 311, “Ювентус”-ын төлөө Сери А лигт 5 гоол оруулаад байна. Тэгвэл түүний араас хоёрдугаар байрт Месси бичигдэж байгаа бөгөөд Ла лигт 388 гоол оруулсан юм. Цаашлаад Жимми Гривс 366, Герд Мюллер 365, Стив Булум 317, Дикси Дан 310 гоол оруулсан амжилтаараа тэдний араас бичигдэж байна.