Английн премьер лигийн 10 дугаар тойргийн эхний тоглолтууд өчигдөр орой боллоо. Энэ тойрогт хүснэгтийг “Сити”-гийн хамтаар тэргүүлж байсан “Ливерпүүл” клуб талбайдаа “Кардифф”-ыг хүлээж авч, 4:1-ээр буулгаж авлаа. Ингэснээр 26 оноотой болж, хүснэгтийн тэргүүн байрт бичигдэж байна.

Тоглолтын 10 дахь минутад Салах тооны харьцааг нээж, энэ улирлын 5 дахь гоолоо оруулсан. Тэгвэл 66, 87 дахь минутад Мане хоёрыг оруулж, 6 гоолтой болж ирлээ. Мөн Шакири 84 дэх минутад нэгийг нэмсэн юм. Харин зочин багаас 77 дахь минутад Патерсон нэр төрийн ганц гоол оруулсан байна.

Бусад тоглолтын үр дүн

Брайтон 1-0 Вулверхэмптон
Саутгэмптон 0-0 Ньюкасл
Уотфорд 3-0 Хаддерсфилд
Фүлхэм 0-3 Борнмут
Лестер 1-1 Вест Хэм