Английн “Челси” клуб премьер лигийн 11 дүгээр тойрогт талбайдаа “Кристал Палас”-ыг хүлээж авч, 3:1-ээр хожлоо. Ингэснээр Лондоны багийн дасгалжуулагч Маурицио Сарри багаа удирдсан эхний 11 тоглолтоо 8 хожиж, 3 тэнцэж, ганц ч хожигдоогүй байна.
Ингэснээр Сарри Итали мэргэжилтэн премьер лигт ажилласан эхний улиралдаа хожигдоогүй тоглолтын тоог давтаж, нэгэн содон рекорд амжилтын эзэн боллоо. 1994 оны улиралд “Ноттингем Форест” багийн дасгалжуулагч Франк Кларк анхны улиралдаа 11 тоглолт дараалан хожигдоогүй амжилтыг тогтоож байжээ.