Нэр хүнд цар хүрээгээрээ Европын хэмжээнд л ноёрхдог Аваргуудын лигийн хэсгийн 5 дугаар тойргийн тоглолтууд өндөрлөлөө. А хэсэгт багтсан Испанийн “Атлетико Мадрид” тавдугаар тойрогт Францын “Монако” клубыг талбайдаа хүлээж авч, 2:0-ээр буулгаж авлаа. Ингэснээр 12 оноотой болж, хэсгээ тэргүүлж эхэллээ.
Тоглолтын 2 дахь минутад Коке тооны харьцааг нээсэн. Улмаар Гризманн 24 дэх минутад нэгийг нэмснээр багийнхаа ялалтыг баталгаажуулсан юм. Ийнхүү “Атлетико” дараагийн тоглолтоос үл хамааран хасагдах шатанд шалгарах болзлоо хангалаа.
Тэгвэл нөгөө талд Германы “Боруссия Дортмунд” клуб талбайдаа Бельгийн “Брюгге”-г хүлээж авч, хуурай тэнцлээ. Ингэснээр Германы баг 10 оноотой болж, хэсгийн хоёрдугаар байрт бичигдэж байна. Мөн л дараагийн тоглолтоос үл хамаарч хасагдах шатанд шалгарах боломжтой боллоо. Гэхдээ хэсгээ тэргүүлэх үү гэдгээ зургадугаар тойрогт шийднэ.