Багуудын ДАШТ-ий хагас шигшээ шатны тоглолтууд болж өндөрлөлөө.  Хагас шигшээд Аргентины “Ривер Плейт”, АНЭУ-ын “Аль-Айн”, Японы “Касима Антлерс”, Испанийн “Реал Мадрид” клубүүд үлдсэн.

Мягмар гарагийн шөнө Аргентины “Ривер Плейт” болон  АНЭУ-ын “Аль-Айн” багууд хоорондоо тулж, үндсэн цагт 2:2-оор тэнцсэн. Харин торгуулийн цохилт цохиход “Аль –Айн” баг илүү байж, өрсөлдөгчөө буулгаж авснаар финалд шалгарсан юм.

Өнгөрсөн шөнө “Реал Мадрид” Японы “Касима Антлерс”-тай тулж, 3:1-ээр хожсоноор финалд шалгарлаа. Тоглолтын 44, 53, 55 дахь минутад Бейл хет-трик хийж, багтаа ялалт авчирсан. Японы багаас нэр төрийн ганц гоолыг Дои 78 дахь минутад оруулжээ.