Английн премьер лигийн 18 дугаар тойргийн сүүлчийн тоглолт өнгөрсөн шөнө боллоо.  Энэ тойргийн “хөшиг”-ийг хааж “Эвертон” клуб талбайдаа “Тоттенхэм”-тэй тулсан. Хүснэгтийн тэргүүлэгчидтэй тун ч сайн тоглосон “Эвертон” энэ удаад бутниргүүлж, 2:6-аар хожигдлоо.

“Тоттенхэм” тун ч хүчтэй өрсөлдөгчөө талбайд нь гоолоор “бороо оруулж” хожсоноор 42 оноотой болж, гуравдугаар байрт бичигдэж эхэллээ. Энэ тоглолтод эзэн багаас Уолкотт 21, Сигурдссон 51 дэх минутад нэг нэг гоол оруулсан.

Тэгвэл зочин багаас Сон Хын Мин 27, 61, Деле Алли 35, Эриксен 48 дахь минутад гоолдсон. Мөн Харри Кейн 42, 74 дэх минутад дубль хийж, энэ улирлын премьер лигийн 11 дэх гоол оруулж, мэргэн буучийн жагсаалтын хоёрдугаар байрт Салахын хамтаар бичигдэж байна.