Английн премьер лигийн 20 дугаар тойргийн эхний тоглолтууд өнгөрсөн шөнө боллоо.  Энэ тойрогт хүснэгтийг тэргүүлэгч "Ливерпүүл" клуб талбайдаа "Арсенал"-ыг хүлээж авч, тоглолоо. Улирлын эхний хагаст хоёр баг "Арсенал"-ын талбайд тулахад 1:1-ээр тэнцэж байсан. Тэгвэл энэ удаад "Ливерпүүл" талбайдаа өрсөлдөгчөө 5:1-ээр бутниргэж, энэ улирлын 17 дахь хожлоо авлаа. 

Ингэснээр 54 оноотой болж, араасаа нэхэж буй "Тоттенхэм"-ээс 9 оноогоор тасарлаа. Тоглолтын 11 дэх минутад Мэйтлэнд гоолдож, зочин баг тэргүүлж эхэлсэн. Гэвч 14, 16 дахь минутад Фирмино дубль хийж, багтаа тэргүүлэл авчирсан. Улмаар Мане 32, Салах 45 дахь минутад нэг нэгийг нэмсэн. Харин 65 дахь минутад Фирмино дахин нэгийг нэмснээр хет-трик хийж, багийнхаа ялалтыг баталгаажуулсан билээ. 

Бусад тоглолтын үр дүн

Уотфорд 1-1 Ньюкасл

Тоттенхэм 1-3 Вулверхэмптон  

Лестер 0-1 Кардифф

Брайтон 1-0 Эвертон

Фүлхэм 1-0 Хаддерсфилд