Испанийн Ла лигийн 18 дугаар тойргийн хүрээнд “Барселона” клуб “Хетафе”-г 2:1-ээр хожсон билээ. Энэ тоглолтод Месси, Суарез хоёр нэг нэг гоол оруулсан. Ингэснээр Ла лигт 18 тойргийн дараах байдлаар Месси 16, Суарез 12 гоол оруулаад байна.

Нийлээд 28 гоолтой болсон гэсэн үг. Энэ нь Ла лигийн 16 багаас илүү олон гоол оруулсан үзүүлэлт юм.  18 тойргийн дараах байдлаар “Севилья” 31, “Леванте” 30, “Сельта” 28 гоол оруулсан байна. Тэгвэл “Реал Мадрид” болон “Атлетико Мадрид” клубүүд 26 буюу хоёр тоглогчоос бага гоол оруулаад байна. Хамгийн олон гоол оруулсан жагсаалтыг 18 тойргийн дараах байдлаар “Барса” 50 гоолтой тэргүүлж байгаа юм.