Японы мэргэжлийн сүмо бөхийн Хацү башё өнөөдөр 15 дэх өдрөө үргэлжлэнэ  Их аварга Хакүхо М.Даваажаргал башёг өнжих шийдвэр гаргасан билээ. Хацү башёг Тамаваши Б.Мөнх-Оргил 12 даваа, 2 унаатайгаар тэргүүлж байна. Түүний араас удаалж буй бөх бол сэкиваке Такакейшо. Өнөөдөр Тамаваши Б.Мөнх-Оргил маэгашира Эндотой барилдахаар учраа таарчээ. Хоёр бөх хоорондоо 15 барилдсанаас Тамаваши 9, Эндо 6 давсан байдаг. Такакейшо харин озеки Гойёдотой хүч үзнэ. Тамаваши Б.Мөнх-Оргил  сэкиваке Такакейшо нар хоёулаа давсан тохиолдолд Б.Мөнх-Оргил түрүүлнэ. Хэрэв хоёулаа унавал нэмэлт барилдаанаар түрүү бөх тодрох юм. манай бөхөд түрүүлэхэд ганц даваа үлдээд байна.