ОХУ-ын Екатеринбург хотноо ирэх сарын 15-17-ны өдрүүдэд жүдо бөхийн “Их дуулга” ангиллын тэмцээн болох билээ. Энэхүү тэмцээнд манайхаас эрэгтэй 10, эмэгтэй 10 тамирчин оролцохоор мэдүүлгээ өгчээ.
Тэр дундаа эмэгтэйчүүдийн 70 кг-ын жинд Ц.Батцэцэг оролцохоор мэдүүлэгт нэр нь орсон байна. Жүдо бөхийн улсын аваргад 70, -78 кг-д гурван удаа түрүүлсэн. Сүүлийн хоёр жил дараалан түрүүлээд байсан түүнийг наснаас нь шалтгаалж Олон улсын тэмцээнд оролцуулахгүй байсан юм. Тэгвэл Жүдо бөхийн холбоо түүний самбо, жиү жицү, жүдо гээд бөхийн төрлүүдэд үзүүлж буй амжилтыг харгалзан үзэж, “Их дуулга” ангиллын тэмцээнд оролцуулахаар шийдсэн бололтой.