Францын шигшээ баг Европын аваргын урьдчилсан шатны хүрээнд Исландыг 4:0-ээр буулгаж авсан билээ. Энэ тоглолтод Францын шигшээ багийн довтлогч Оливье Жиру нэг гоол оруулсан юм. Ингэснээр тэрбээр шигшээ багийнхаа төлөө 35 дахь гоолоо оруулж, Давид Трезегегийн 34 гоол оруулсан амжилтыг давж гарлаа.
Мөн Францын шигшээ багийн бүх цаг үеийн мэргэн буучийн жагсаалтын гуравдугаар байрт бичигдэж эхлэв. Жагсаалтын хоёрдугаарт Мишель Платини 41 гоолтойгоор бичигддэг бол Тьерри Анри 51 гоолтой тэргүүлдэг билээ.