Английн премьер лигийн хүрээнд "Манчестер Сити" клуб "Фүлхэм"-ийн талбайд зочилж, 0:2-оор буулгаж авсан билээ. Энэхүү тоглолтод "Сити"-гийн довтлогч Агуэро нэг гоол оруулсан. Тэгвэл энэ нь 30 настай довтлогчийн Английн премьер лигт оруулсан 162 дахь гоол байжээ.
Ингэснээр тэрбээр Английн премьер лигийн бүх цаг үеийн мэргэн буучийн жагсаалтын 7 дугаар байрт бичигдэж эхэллээ. Мөн Жермейн Дефотай премьер лигт оруулсан гоолынхоо тоогоор зэрэгцэж ирлээ. Жагсаалтыг Алан Ширер 260 гоолтой тэргүүлж, Рүүни 208 гоолтойгоор удаалдаг. Харин гуравдугаар байрт Энди Коул 187 гоолтой бичигддэг Фрэнк Лампард 177, Анри 175, Робби Фоулэр 163 гоолтой жагсч байна.