Зидан эргэн ирж, “Реал Мадрид”-ыг дасгалжуулах болсноос хойш Эзэн хааны багийн тоглолт сэргэж эхлээд байгаа. Өнгөрсөн шөнө Мадрид хотын баг талбайдаа “Уэска”-г хүлээж авч, 3:2-оор буулгаж авлаа.
Ингэснээр 57 оноотой болж, гуравдугаар байрт бичигдэж байна. Тоглолтын 3 дахь минутад Эрнандес гоолдож, зочид тэргүүллийг гартаа авсан. Гэвч 25 дахь минутад Иско тэнцүүлсэн. Улмаар Себальос 62 дахь минутад нэгийг нэмж, “Реал” тэргүүлж эхэлсэн. Харин Эчейта 74 дэх минутад гоолдож, тэнцүүлсэн байна. Талбайдаа жижиг багт оноо алдах дөхсөн “Реал”-ыг 89 дэх минутад Бензема аварч, гурван онооны үнэтэй гоол оруулжээ.
Бусад тоглолтын үр дүн
Леванте 2-2 Эйбар
Райо Вальекано 1-1 Бетис
Севилья 0-1 Валенсия
Вальдолид 1-1 Реал Сосьедад