Сери А лигийн хүрээнд “Наполи” клуб “Женоа”-тай тулж, 1:1-ээр тэнцсэн билээ. Энэ тоглолтод Дрис Мертенс нэг гоол оруулж, багтаа нэг оноо авчирсан. Тэгвэл түүний энэхүү гоол “Наполи”-гийн төлөө бүх тэмцээнд оруулсан 104 дэх гоол байжээ.
Энэ амжилтаараа тэрбээр Эдинсон Каванитэй зэрэгцэж ирсэн бөгөөд “Наполи”-гийн бүх цаг үеийн мэргэн буучийн жагсаалтын 4 дүгээр байрт бичигдэж эхэллээ. “Наполи”-гийн бүх цаг үеийн мэргэн буучийн жагсаалтыг Марек Гамшик 121 гоолтой тэргүүлж, Диего Марадона 115 гоолтой удаалдаг. Харин гуравдугаарт Аттила Саллустро 108 гоолтой бичигдэж байгаа юм.