Аваргуудын лигийн ¼ шигшээн хүрээнд Английн хоёр баг болох “Тоттенхэм” болон “Манчестер Сити” багууд хоорондоо учраа таарсан билээ. Тэгвэл хоёр багийн эхний тоглолт өнгөрсөн шөнө “Тоттенхэм” клубын шинэ цэнгэлдэх хүрээлэн болох “Тоттенхэм Хотспур Стэдиум”-д боллоо.
Энэхүү тоглолтод талбайд эзэд өрсөлдөгчөө 1:0-ээр буулгаж авч, бага зэрэг давуу талтай боллоо. Мөн өөрийн талбайдаа гоол алдаагүй нь хагас шигшээд шалгарах найдлагыг төрүүлж байгаа юм. Тоглолтын хувь заяаг шийдсэн цорын ганц гоолыг 78 дахь минутад Солонгос хагас хамгаалагч Сон Хын Мин оруулсан. Хариу тоглолт “Сити”-гийн талбайд болно. Тэрхүү тоглолтод “Тоттенхэм” хожигдохгүй байхад л хагас шигшээд шалгарах боломж байна.
Тоглолтын тойм бичлэгийг эндээс үзнэ үү