Испанийн “Реал Мадрид” клубын Португал хагас хамгаалагч Криштиано Роналдо шигшээ багийнхаа хамтаар дэлхийн аварга шалгаруулах тэмцээний бэлтгэлээ базааж байгаа билээ. Тэгвэл сэтгүүлчдэд нээлттэй бэлтгэл хийх үеэр түүний ирээдүйн талаар асуухад тун ч дурамжхан хариулсан байна.
Тэрбээр “Би одоогоор юу гэж хариулахаа мэдэхгүй байна. Бүх зүйл удахгүй шийдэгдэнэ. “Реал Мадрид”-д үлдвэл сайхан л байна. Гэхдээ би үүнийг баттай хэлж чадахгүй” хэмээн Marca сонинд ярьжээ. Аваргуудын лигийн финалын тоглолтын дараа түүнийг багаа орхиж магадгүй гэсэн мэдээлэл гарч байсан билээ.