Английн премьер лигийн 37 дугаар тойрогт шилдэг дөрөвт орох өчүүхэн ч болов боломжтой байсан “Манчестер Юнайтед” клуб хүснэгтийн ёроолд 14-хөн оноотой бичигдэж байсан “Хаддерсфилд” клубын талбайд зочилж, 1:1-ээр тэнцлээ. Ингэснээр 66 оноотой болж, дөрөвдүгээр байрт шалгарах боломжгүй болов.
Харин нэг байр ахиж, тав руу орох боломж байгаа. “Арсенал” хожигдох юм уу, тэнцээд, өөрсдөө сүүлчийн тойрогт хожсон тохиолдолд. Тоглолтын 8 дахь минутад Мактомни гоолдож, тооны харьцааг нээсэн. Гэвч Мбенза 60 дахь минутад тэнцүүлж, “Хаддерсфилд” нэг оноо авснаар 15 оноотой боллоо. Ийнхүү “Манчестер Юнайтед” ирэх улиралд Европа лигт тоглох нь тодорхой боллоо.