Улаанбаатар хотод үргэлжлэн орсон борооны улмаас Хан-Уул дүүргийн 12 дугаар хороо Сонгинын хэсгийн 4 айл өрх үерийн усанд автсан, 13 дугаар хорооны 117 гаруй айл өрх үерийн усанд автсан дуудлагаар Гал түймэр унтраах аврах 65 дугаар ангийн алба хаагчид 1 мотопомптой, Хан-Уул дүүргийн 14 дүгээр хороо Ногооны хэсэг, Уяачдын хэсгийн 50 гаруй айл өрхүүд усанд автсан дуудлагаар Гал түймэр унтраах, аврах 30 дугаар ангийн алба хаагчид ажиллаж байна.
Мөн Дүүргийн Засаг даргын тамгын газрын ажилчид, Хороодын Засаг дарга, ажилчид, Цагдаагийн 2 дугаар хэлтсийн алба хаагчид, Эрүүл мэндийн төвийн ажилчид хамтран усанд автсан иргэдийг аюулгүй газар нүүлгэн шилжүүлж заавар зөвлөмж өгч Түргэний голын сэтэрсэн даланг сэргээх, хүчитгэх ажлыг доорх байгууллагуудтай хамтран шуурхай арга хэмжээг авч ажиллаж байна.
Сигма инжернэринг ХХК-аас 1 ковш, Батшил ХХК, Касло метро ХХК-аас , Лайкшэри кристал ХХК-нуудаам нийт 6 хова автомашинтай эвдэрсэн даланг хүчитгэх далан босгох ажилд оролцохоор гарсан.Мөн 13-р хорооны 26-р сургууль, 14-р хорооны 59-р сургуулиуд дээр түр орон байрыг бэлтгэж иргэдэд туслаж үзүүлж байна.